Пхи ишкол тоаеш, болх дIабахьа лерхI вай мехка 2025-ча шера
30.05.2024 09:15
Пхи ишкол тоаеш, боккха болх дIабахьа лерхI вай республике 2025-ча шера. «Дешара хьал тоадар» яхача паччахьалкхен программага гIолла дIахьош беркате болх ба из. Из хоам «Сердалога» бир Мехкадаь зарбан болх лелабераша.
«Кердача, хозача куцаца гургья дешархошта Наьсарера, Яндарера, Арштера, Долакха-Юртара, Эбарга-Юртара ишколаш. Таханарча хано дIадеххача тайпара кийчъяь латтача ишколашка дешаш хила деза вай бераш», - белгалдир вай Мехкадас Келаматанаькъан Махьмуд-Iаьлас, цу балхах дувцаш.
ТIера тховнаш, иштта кхыдола тиш мел деннараш хувцаш, къахьегаргда цига. ПаргIата, хоза хургдолча тайпара тоадергда ишколай ковнаш. Мехка мел йола ишколаш тоаеш, кердаяраш хьалъеш, боккха беркате болх ба мехка дIахьош латташ.
