ГӀалгӀай къаман
юкъара газет

2025 шера 8 дешара моттиг геттара чӀоагӀа  тоаергья

24.01.2025 14:04
2025 шера 8 дешара моттиг геттара чӀоагӀа  тоаергья

«Дешар дегӀадоаладар» яхача программа чуйоагӀаш, ГӏалгӀайчен 6 ишколе, 2 берий беша цӀенхашттара тоадара балхаш де лаьрхӀад. Цох дийцар СМИ викалашта республикан гӀишлошъяра министра гӀончас Манкенаькъан. И.

Цо яхачох, кердайоаккхаргья Наьсарен №10 йола  юкъера ишкол-берий беш, Долакха-Юртара №2 йола юкъера ишкол-берий беш, Арштара юкъера ишкол, Наьсарен №9 йола юкъера ишкол, Яндарера №3 йола Барханой И. А. цӀерагӀа  юкъера ишкол, Эбарга-Юртара №2 йола  юкъера ишкол, Наьсарера №5 йола берий беш, Илдарха-Гӏалан №2 йола  «Берилг» яха берий беш.

Цу балха лаьрхӀа 521 млн сом хьадайтад.

Цу ерригача гӀишлошка керттерча цӀен лардаш чӀоагӀъеш, тховнаш хувцаш, чура балхаш деш, кораш-наӀараш увттадеш, хин кхоачам чубоаккхаш, цӀерах лоравалара Ӏалашо еш, керда гӀирсаш оттадеш, болх дӀахьоргба», - аьлар Манкенаькъан.И.

Белгалду, дӀадахача 2024 шера, республике цӀенхаштта тоайир 6 ишкол, цул хьалха 2022, 2023 шерашка тоайир дешара 29 моттиг.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде