Магӏалбика кхален администраце, белгалбир дика къахьийга болхлой
Кердача шера цӏай хьатӏадоагӏаш, Магӏалбика кхален администраце болхлошта совгӏаташ делар, шоаш доал деча даькъ тӏара хьал тоадеш дика къахьегар бахьан долаш. Кхетаче дӏайихьар Магӏалбика кхален администраце кулгалхочун декхараш кхоачашдеш волча Къоастой Руслана. Доал деча даькъ тӏарча кулгалхочун Къоастой ӏаддал-Хьамида цӏерах цо сийлен грамоташ дIаелар белгалбаьннача болхлошта.
«Совгӏаташ делар тайп-тайпарча доакъошка къахьегаш болча администраце викалашта, царна юкъе бар ахчан-хьурмата, вахара доакъой, иштта вахара-коммунальни боахама болх лелабераш. Цу болхлоша укх массехк шера, лакха говзал гойташ, дика къахьийгар, шоашта хьалхашка латта декхараш дика кхоачашдеш. Кхален администраце болхлоша иштта дика къахьегарах, толамаш даха таро хул, аьнна, белгалдир Къоастой Руслана»,- аьлар «Сердало» газетага цу кхетаче дакъа лоацаш хиннараша.
Керда шу хьатӏадоагӏаш совгӏаташ даларо кхы а дикагӏа къахьегара, шоай балхаца бехктокхаме хилара тӏахьех, цудухьа совгӏаташца безбеча викалаша а аьлар, дӏахо кхы а лакхагӏа толамаш даха шоаш кийча хиларах.
