Бекарга бетта «Ӏарамхи» яхача курорте хьаелларгья, тайп-тайпара салоӀама моттигаш
12.03.2026 15:37
Ши кӀира кхы даьлча, бӏарчча шера болх беш йолча «Ӏарамхи» яхача курорте, ворхӀ тайпара салоӀама моттигаш хьаелларгья, уж наха дукха эшаш хул, къаьстта туристашта.
«ХьатӀабоагӀача бетта, хьаьшашта, салоӀаш болча наха лаьрхӀа хургда говрашца болабалар, квадроциклаш хахкар, гӀалгӀай гӀалашка хьажар, бассейн, гувнах чухехкабалар, унахцӏено меттаоттаяр, кхыдараш. Туристаш,эггара хозагӀа йола шера ха, лакхача лоамий аьлешка баьццара бай хьатӀаболабенна, деррига гӀулакхаш дицдеш цӀена фо долча, Жӏайрахьа чӀоже гӀалашка сатем эттача, шоай сапаргӀатадоаккхаш салаӏа йиш йолаш ба», - аьлар цу моттига администраце.
Белгалду, шоаш хьабахкале цхьа бутт хьалхагӀа Ӏеш йола моттиг наха чӀоагӀъеш хуле, цига йоаккха ха 10% маьха чухьнахьа хургья.
