«Дукха нах гулбеннабар цу кхетаче. ГӀалгӀай эстрада артисташ бар шоай говзал гойташ. Цу кхетаченна лаьрхӀа йоккха фестиваль хьайийллар цига, къаман даарех чам баккха аьттув бар гулбеннарий. Говзанчий ярмарке мехкарча пхьараша хьадаьча балхашка хьожаш, ха дӀайихьар хьаьшаша», - йоах тхога бенача хоамо. Иштта, курорте дӀайихьар Ӏадсаькх деттарах, наьк дарах, кулгаш гӀортадарах йола яхьаш. Котбаьннарашта яла кийчъяь кубкаш, майдилгаш, иштта кхыдола лоархӀаме совгӀаташ дар. Тхога бенача хоамах, яхьашка котбаьннараш, туризме дика къахьийгараш белгалбир цига – «ТолашагӀа вола гид - экскурси ер», «ДикагӀа вола туроператор», «Гостиницера толашагӀа вола болхло».

«Иштта йолча кхетаченаша вай мехка туристаш тӀаоз. Шергара шу мел доал дукхагӀа хулаш латт вай мехках бӀаргтоха ловраш, хозаленашца сакъердалураш. Тха комитета лоархӀаме да туристашта Ӏе керда моттигаш хилар, туристически наькъаш хьаделлар, гидашта-экскурси ерашта аттестаци яр, иштта кхыдараш а», - белгалдир туризмах йолча Комитета хьалха латтача Цхьорой Мухьмада. Белгалде деза, вай мехка туризмацара тайп-тайпара оагӀонаш доаржаделга: гастрономически, культурацара-салоӀаме, исторически, Ӏилма довзара, экологически, гӀаш лелар, машинашцара туризм.