«Дешар дегӀадоаладара» яхача паччахьалкхен программа чудоагӀаш, 6 дешара моттиг тоаеш латт, уж йистеяргья маьцхали бетта.

Царех я ГБОУ «Илдарха-ГӀалан №1 йола Гимнази»; «Могаш доацача берий ЦНО»; «Марем» яха Магас-Шахьара гимнази»; ГБОУ «Магас- Шахьара лицей-берий беш»; ГБОУ «Буро кӀалхара №2 йола юкъера ишкол»; ГАОУ «Наьсарен-Шахьара №1 йолча гимнази». Царех хӀараяр цӀенхаштта тоаяра чудоагӀарех да тховнаш хувцар, лардаш керда дӀайохкар, йӀовхал чуйиллар, кхы а дуккхадараш.

Цо таро лургья, вай берашта луш бола кхетам дикал йолаш хилийта. Вай хьож, ГӀалгӀайчен хӀара бер дика дешаш, дикача хьалашка деша ухаш, кхерамзлен Ӏалашо йолаш хилийта», - аьлар, республикан кулгалхочо Келаматанаькъан Махьмуд-Ӏаьлас, дешара даькъ тӀа латтача декхарех дувцаш. Цо иштта белгалдир, хоза тоаяьча ишколе луш бола кхетам лоархӀаме ба, юкъарча культуран вахара майда из хиларах тарра.

Махьмуд-Ӏаьлас белгалдир, 2025-ча шера мехка кхы а 5 ишкол цӀенхаштта тоае лаьрхӀа хилар. Уж я ГБОУ «Наьсарен №9 йола юкъера ишкол», ГБОУ «И. А. Барханой цӀерагӀа Яндарера №3 йола юкъера ишкол», ГБОУ «Арштера ишкол», ГБОУ Долакха-Юртара №2 йола юкъера берий-спортивни ишкол», ГБОУ «Эбарга-Юртара №2 йола юкъера ишкол».

Махьмуд-Ӏаьлас белгалдир; хӀаране юкъеденар - из хьаькъала, белггаларча хӀаман, лоадама дакъа да вай мехка хургдолчун, аьнна. Кхоллама болх дӀахо а дӀахьоргба.