БурокӀалха наькъа хьовзам нийсбелар машинашца
23.05.2024 11:05
ДӀаяхача бийсан «Служба 112» оалача моттиге хоам бера, Наьсарен кхален Буро кӀалха машиний новкъа хьовзам хиларах, яхаш, дийцар «Сердало» газетага мехка чоалханерча хьалашца къовсам лоаттабечар зарбан болх лелабераша.
«Цига хьакхаьчача, кӀалхарваккхара йолча служба болхлошта ховш хилар «Mercedes-Benz E-класс», «Mercedes-Джип» оала ши машен вӀашкакхийтта хилар. Цу юкъе лозаваь ши саг ва. Наькъа зулам нийсдалара бахьан тохкаш да. Цу моттиге болх беш я «Аьрзи» яха нах кӀалхарбоаха-лоха тоаба», - аьлар тхоца къамаьл даьчо.
ГӀалгӀайчен МЧСа тӀахьех водителаш, машинаш сиха ца хехкаш, наькъа бокъонаш лораеш хилара.
