СФРа боккхийча наьха лувш-оалаш багӏача моттигашка, дезала Ди белгалдир
Гӏалгӏайче гӏолла йолча Россе Вахара ганзо боккхийча наха дагабалара, шоайла къамаьл хилара хьакхеллача Центрашка безаме дӏадихьар Дезала, безама, тешама Ди. Из цӏай хилар бахьан долаш, таро я ноахалий вӏашагӏкхета, чӏоагӏача дезалий сий де, шоайла безаме къамаьл дӏадахьа.
«Жӏайрахьа кхале, цу Центра хьинар дараша вӏашагӏбеллар, дукхача шерашка шоайла безаме, цхьана бахаш болча фусам-даьшца кхетаче яра болх. Чай молаш, безаме къамаьлаш дӏахьош, хьаьшаша дийцар шоай дезалий тамашийна дика гӏулакхаш. Цу дийнахьа дукха байташ хезар безамах, тешамах, шоайла хьаллоацаш хиларах лаьца.
Магӏалбика кхален дагабалара Центре дӏайихьар «Дезал - керттердар» яхача цӏайна кхетаче. Цига дика дакъа лоацаш хилар кагирхой: Боккхийча наха сурташ даьхар шоай дезалий дезалашца. Цӏай дӏахьош цар цхьана иллеш даьхар, яхьаш дӏайихьар, яхаш, дийцар «Сердало» газетага Гӏалгӏайчен Паччахьалкхено.
Тахан мехка дика болх беш я доккхагӏа долча ноахалашта хьакхелла кхоъ Центр. Цига да, цар из ха безаме дӏаяхьа таро хургйолаш, деррига вахаре эшаш дола хьалаш.
