ГӀалгӀайчен цӀий тохача керттерча моттиге, «Хьавола, юкъевала» яха донорий болам дӀабихьар
23.09.2023 22:07
Республикан цӀий тохача станце Ерригроссе «Хьавола, юкъевала» яха донорий болам хилар тӀехка тӀум, цӀий дӀалуш. Цига гулбелар Россе ЦӀеча ЖӀарга, «Дикача наьха клуб» яхача ганза викалаш, иштта лораш-лоӀамхой.
«Цигарча болхлоша белгалдир, цу боламо тӀехка тӀум дӀалуш, цӀий гулдеш, дика новкъостал деш хилар. Берригаш а цу гӀулакха юкъе дакъа лоацаш вар 40 саг. Лораша шоаш цу тайпара тӀехка тӀум а цӀий а гулдара болча боламе лоархӀаме дакъа дӀалоац. ХӀаране дӀаенна тӀум, цӀе тӀадам накъабоалаш ба дарба эшаш болча наха», - аьлар «Сердало» газетага ГӀалгӀайчен унахцӀенон министерстве.
