Бераш лорадара денна хетаяь, волейболах яхь дӀайихьар вай мехка
31.05.2024 10:33
Бераш лорадара Ди, эггара лоархӀамегӀа дола цӀай да берий дегашта. Цу денна хетаяь, йиӀигашта юкъера волейболах йола яхь дӀайихьар Яндаре. Из хоам «Сердалога» бир цу гӀулакха хьалхалаттараша.
«Тайп-тайпарча моттигашкара бархӀ тоаба гулйир къовсамаша. Яхьаша дог ураоттадаь, ловзара чам чуболлийта дар бераш», - дийцар «Бералла наькъаш» яхача проектацара моттигера болх лелабеча Колой СаӀида.
ХьатӀадоагӀача цӀайца чӀоагӀа дика тарлуш хиннача яхьо дегаш гӀоздаьха яр йиӀигаш.
