ЖӀакех ловза Ӏомабу моттиг хьайийллай, Берда-Юртарча культуран цӀагӀа

Берда-Юртарча культуран цӀагӀа жӀакаш дукха езараш вӀашагӀбетталургбола моттиг хьаяьй. Из хоам «Сердало» газетага бир цигарча администраце болхлоша. Берашка зехьа ха ца йоаяйта, дика гӀулакх да из. «ЖӀакаша бера хьаькъала боккха пайда бу, уйла е Ӏомаду.
Дешаш боацача хана, зехьа ха йоаеш, пайда боаца гӀулакхаш леладечул дикагӀа да, кхетам чӀоагӀбеш йолча жӀакех ловзар», - аьнна хет, из моттиг хьаяйтача боккхагӀбарашта.
ЧӀоагӀа дезаделар берашта из гӀулакх. Гуш дар, цу хӀаманца цар чам болга. Яхьашка дӀа-хьа ухаш, коталон моттигаш кхахьа болабелча, жӀакай улгаш кхы а дукхагӀа доаржаде дезаргда.