Махьмуд-Iаьлас белгалдир, уж хьалъе езара бахьан да регионера ка бола культураш харжа а лорае а таро ца хилар. Йолаш яраш тишъенна хиларах хьалхашка отт из декхар. Республика АПК де дезачох дувцаш, цо хьалхадаьккхар республика Правительства, ГIалгIай паччахьалкхен университета, ГIалгIай Iилм-тохкама института, юртбоахама института дакъа а лоацаш республика юртбоахам дегIабоалабара никъ лаха аьнна.

Республика кулгалхочо яхачох, цу тайпара юртбоахам дегIабоалабаро таро хулийтаргъя дIахо вай мехка кхееш йола продукци лорае а, цунца цхьана наха хьаде хIама хилийта а, налогацара хьалаш аттача даха а.

Иштта тIадиллар, правительство, юртбоахама министерство хьалхашка оттадаь декхараш кхоачаш а деш, паччахьалкхен унитарни предприятей болх ер шу чакхдоалаш чIоагIагIа дегIабоалабе аьнна. Цу тайпара, ка бола ялат гектара тIара — 35 центнер, хьажкIаш — 45 центнер, КРС, МРС — 8,5 эзар хилийта аьнна. Цу тайпара хьокхам вай хилча ерригача республике кхачанца Iалашо яь хургъя.