«ТӀема доакъашхоша берашта дийцар, мел лоархӀаме да Даьхен гӀулакха латтар, массахана цун сий лорадар, из езаш вахар. Россе вахача хӀара сага Даьхен хьалхашкарча декхарех дийцар цар кхувш боагӀарашта. Таханарча турпалашца къамаьл деш, боккхача тӀема юкъе моастагӀа вохавеш, вай лаьтташкара цун лар хоадаеш майрал гойтача къаман деналах бизза хиннача бӀухой цӀераш дагалаьцар бераша», - йоах тхога кхаьчача хоамо.

«Даьхе лораю аз» яхача мугӀарера кхетаченаш ганзо дӀакхухь «Дешар» яхача Россе оагӀонца цхьана. Кхувш латта тӀехье ший Даьхен сий деш хилара тӀахьехаш бола болх ба из.