ЖӀайрахьен кхале альпинизмах йола чемпионат хьайийллар
ГӀалгӀайчен ЖӀайрахьен кхале альпинизмах йола Россе технически класса альпинизм хьайийллар, цига гулъелар мехкарча 20 моттигера 26 тоаба.
ГӀалгӀайче из дӀаяхьа лархӀар цаховш нийсденнадацар. Лоаман кхаленца я альпинизма «Кязи» яха лагерь, дика таронаш а йолаш, цига я лорий пункт, штаб, пресс-центр, даара, вахара цӀалгаш, дегӀа тӀа хий кхарза моттигаш а йолаш. Альпинистий яхьаш бӀаьсти дӀахьош хиларал совгӀа, укхаза дика хьалаш да лоам тӀа валара.
ХӀанз укх сахьате, чемпионата доакъашхой лаьрхӀа ба Кязи лоам тӀа бала, цига кийчъяьй чоалхане бола 20 никъ бара йола таронаш.
«Тхо хьожаш да ГӀалгӀайче тайп-тайпара спорта оагӀонаш дегӀайоалае, цу юкъера хӀаране шийна езар хоржаргья», - аьлар Келаматанаькъан Махьмуд-Ӏаьлас, ше чемпионатах дувцаш.
Цо иштта тӀатехар, дукха туристаш юхабахка безам болаш хул ГӀалгӀайче шоай дезалашца; Ӏаламца, вай лоамий хозаленашца, тамашийнача моттигашца сакъердалуш.
