Ха яхача наха кхадж шоай цӏагӏа тоссаргболаш, вӏаштӏехьадаьккхар лоамашка
Паччахьалкхен Думан, Халкъа Гуллама хоржамий болх, тӏатеӏӏа, дӏахьош ба мехка. Жӏайрахьа кхалера бахархой шоай декхар кхоачашде лаьрхӏа арабувлаш бар. Хьалхарча шин дийнахьа 1163 сага кхадж тессар цига, кхален хоржамхой юкъарча боарамга диллача 44,17% хул цох.
Ха яхача наха хало да, цӏагӏара арабаьнна, гаьна уллача хоржамий моттиге баха, атта доацача наькъашка гӏолла, из бахьан долаш боккхийчар из болх шоай цӏагӏа баггӏаше дӏабахьа аьттув хургболаш вӏаштӏехьадаьккхад. Кхадж ӏочутасса беза яьшка ийце, уж болча дӏаухаш бар комиссе доакъашхой.
Цӏагӏа кхадж тоссаш долча гӏулакха лакха терко еш бар. Комиссе массехк доакъашхо волаш чакхдоаккхар из.
Цу тоабаша из болх лакхача боараме дӏабахьарах, гаьна ядача лоаман юрташкарча ха яхача наьха шоай декхар кхоачашде, хоржамашта юкъе дакъа лаца аьттув хилар.
