Лоаман Гӏалгӏайче корадир тамашийна археологически гIирсаш
07.09.2026 16:31
Гӏалгӏайчен лоаме аргӏанара оахкамаш дӏахьош, цхьан юкъерча бӏаьшерен гӏалан даькъ тӏара, говзанчашта корадир къаьнара, тамашийна гӏирсаш. Кораяьча хӏамашта юкъе ба ширача заман аьшка яй, тӏема шалта, ингале доакъош, иштта кхыйола культураца ювзаенна хIамаш, яхаш, дийцар «Сердало» газетага Жӏайрахьа-Ахабоарзен музее-заповеднике.
Уж хӏамаш, дӏахо Гӏалгӏайчен культура, истори, этнологи тахкара мах болаш я. Иштта цар таро лу Къилбаседа Кавказа тохкама кӏийле йоаржае.
Карарча хана цу моттигера археологически балхаш дӏахо дӏахьош да. Кораяьча хӏамай дукхал йовзаш, царца дувзаденна мел дар каьхаташца дувзадеш болх дӏахьош ба.
