Шахьарашка аьхки ду коммунальни балхаш эргаш хургда
ГӀалгӀайчен шахьарашка, аьхки эргадоахаргда коммунальни балхаш; тишъенна цу моттигашкара турбаш а кхыдола гӀирсаш а хувцаш, овлангара тоаде лаьрхӀа ба. Укх деношка, Ленина урам тӀа хин турбаш хувцаш, болх дӀахьош ба, яхаш, дийцар «Сердало» газетага шахьара администраце.
«Доал деча даькъ тӀарча кулгалхочо Ӏумаранаькъан Аслана мах оттабир хьадаьча балхашта. Говзанчаш, болхлой массехк метр хин турбаш хувца езаш ба. ЖКХ болхлой тоабо лаьтта оахкаш латт, тийшъенна къаьнара хин турбаш лакхе хьалтӀаяха. ХӀанз Ӏойоахкаш йола турбаш дуккха а шерагӀа я, цар хий дукхагӀа чакхдоалийтаргда», - йоах хоамо.
Болхлой тоабан кулгалхочо Йовлой Халита, ше шахьара кулгалхочунца къамаьл деш, белгалдир; цу тайпара балхаш дӀахьош, тишъенна турбаш хувцаш хиларах, 70% шахьара турбаш лелхаш йола моттиг кӀезигӀа я, аьнна.
Белгалду, коммунальни балхаш эргадоах, бахархой вахара хьалаш тоаде дагахьа.
