Шолжа шахьаре хин турбаш тоае йолаяьй
18.10.2023 13:59
Шолжа-Шахьаре хин турбаш тоае болабеннаб. Ер шу чакхдалале, укхаза ялх километр совгӀа йола хин турбаш хийца баргба болхлой, цу юкъе дикал лакха йола полиэтиленовый турбаш а йолаш. Цо таро хулийтаргья юртарча итт урам тӀа хий хилийта.
«Из болх дӀаболабаьб Шолжа керттерча урам тӀа. Тишъенна хин турбаш хувца лаьрхӀад республикан кхыдолча урамашка. Цул совгӀа, ГӀалгӀайчен Кулгалхочо Келаматанаькъан Махьмуд-Ӏаьлас оттадаьча декхарах республикан бюджета юкъедихьад, къаьнара насосаш а мотораш а хувцара дола ахча, тишъенна хий лоаттаду моттигаш кердаяха таро хургья цу ахчах. Говзанчаша, царга хьежачул тӀехьагӀа, уж моттигаш тоае езаш хилар белгалдаьд», - аьлар «Сердало» газетага ГӀалгӀайчен паччахьалкхене.
ХьатӀадоагӀача шин шера федеральни бюджетера республикан юрташка хий хилийтара 841 млн сом хьожадергда.
