Госдуме хьажа оттадаьд бера даьна мах а луш отпуск эца бокъо ялара дош
Белгалде деза, Къилбаседа-Кавказе а, ГIалгIай мехка гIолла а бераш дар хьал лакхача боарам тIа латташ хиларах хIара дезала цу отпусках дика социальни новкъостал хулаш долга.
Госдума депутата Сухарев Ивана бакъахьа хет керда хиннача даь бер дарах мах а луш пхе денна тIехьар тIа отпуск эца йиш хилча. Цох хоам бу Russia Today яхача хоамий портало.
Депутато белгалду, бер дар бера а нанна а боккха мухь хилар. Цудухьа бер даьча хьалхарча деношка цу нанна новкъостал эш бера даь а иштта гаргарча наьха а.
Хьалхадоаккх къахьегама кодексах пхе денга кхаччалца лоаца отпуск эца йиш хилар, бакъда, цунах ахча дагIац цунна балха моттигера.
Эксперташа оттабаьча маьхага хьежача из дика гIулакх а да, роддомера бер арадаьккхача дийнахьа денз дIалархIа деза мах луш дола отпуска пхи ди.
