ГӏалгӀайчен ИЗО Паччахьалкхен музее «Дуненга шозза хьажар» яха гойтам хьабийллар
ГӏалгӀайчен Паччахьалкхен исбахьален искусствай музее бех тушола бетта 3-ча дийнахьа беррига хоза хӀама дезаш бола нах, «Дуненга шозза хьажар» яха гойтам бовза йиш хургья цига. Гойтаме хьажа таро хургья къонача ноахала суртанчий Марзбиканаькъан Беллай, Гӏайтакханаькъан Аминай балхашка. Гойтамо дувц, шин неша кхолламаша лехараш цаӀ хинна дӏаоттарах.
Цар балхашка диллача, хӀараяр ший тайпара сурташ дехкаш яле а, уж вӀашкаозаш да искусство езаш хилар, цунга гӀолла цар цхьана сурташца вахар гойташ къахьегаш хилар.
«Суртанчаша бех берригаш а шоай балхашка хьажа, цар суртий бесаш оазашта тара да, цар кхоачаву дуненна эггара хозагӀа йолча моттигашка. Суртанчаша гойтаргда искусствон даькъ тӀа шин сага къахьегам цаӀ хинна дӏа мишта отт. Ши суртанча, ши дуне, цхьа мотт- искусствон мотт, гонахьарча дунен хозал гойташ бола»,- аьлар ГӏалгӀайчен ИЗО паччахьалкхен музее.
Искусствос хьалхадоаккх, гонахьара дуне хоза хилар. Наха сийрда дегагӀоз кхоллаш, цо адамашта хьаькъал лу, цигара хьабоагӀа вахара низ а безам а.
