ИнгГУ дӀайолалуш я «Хургдолчун лаборатори» яхача проектацара лекцеш
ГӏалгӀайчен паччахьалкхен университете хьаделларгда «Хургдолчун лаборатори» яхача проекта дешара лекцеш дӀаяхьара хьалхара дакъа. Кхетачен керттера доакъашхо я «Дешар» яха мехка дешара цхьанкхетарий хьалхале лелаеш йола Российски юкъарло, цо вӀашагӀтох тайп-тайпарча даькъ тӀара говзанчаш. Хьалхарча аргӀагIа дувца лерхӀар да тахан латтача технологически заман хьалашка керттера де дезараш малагӀаш да; дикагӀа пайда эцара, хьалхарча аргӀагIа дӀабахьа беза болх белгалбар, иштта Ӏадатий мах бараш лорадар. Хьаьшо, къамаьл деш, белгалдергда культуран тӀехьале, иштта кердадараш цхьана дегӀадоаладара хьал мишта хила деза, къаьстта цо хьаелл тахан къонача говзанчашта керда оагӀонаш.
«Лекци дӀахьоргья Карпушкин Ивана- из технокультуралоге даькъ тӀа говзанча ва, лоархӀамеча гӀулакхий Агентства керттерча директорца дагавалар долаш, «Технологей культура» яхача ООО керттера кулгалхо ва. Иштта дика говзанча ва из технологей хьалаш, культуран къайленаш йовзарашта юкъе. Цун къамаьл хургда Ӏадаташ, кердадараш шоайла хотташ, даьй тӀехьале накъайоалаш хилар хьагойташ, лоархӀаме хаттараш кхоачашдеча», - аьлар «Сердало» газетага ИнгГУ.
Доакъашхошта довзаргда технологически проекта керттердараш, Къилбаседа Кавказа федеральни куран тIа технологей проекташ дика кхоачашъяра масалашка гӀолла; дувцаргда мишта лорабе беза культуран овлашцара бувзам, цунца цхьана технологей хургдар хьакхоллаш.
