Терроризма духьале еш йола 30 совгӀа кхетаче дӀайихьар, укх шера паччахьалкхен университете
Терроризма духьале еш дола хӀама дувца 30 совгӀа кхетаче дӀайихьар вай паччахьалкхен университете. 2000 эзар совгӀа бола студенташ чулоацаш, лекцеш йийшар хьехархоша, цу гӀулакха бийхача хьаьшаша. Цу кхетачеша боккха пайда баьб ала йиш я кхувш латтача вай тӀехьенна.
«Кхетачеш дӀакхухьаш хилар дийша нах, МВД, ЦПЭ, АТК болхлой. ДӀакхихьар семинараш, кагирхошта хьалхадаьхар, терроризм яхача бӀехача наькъо наха юкъе доаржадеча зуламех.
Къаьстта чӀоагӀа терко тӀаяхийтар интернета оагӀонашка гӀолла цу зулама нах тӀахьехарашта, кагирхой сакхетам телхаберашта духьала къовсам лоаттабара. Къонабарашта дийцар, цхьаккха тайпара цу мугӀарерча нахаца бувзам хила йиш йоацилгах, шеко йолаш долча хӀамах Ӏаьдала болхлошка сиха хоам бе безилгах.
Иштта йолча кхетачеша дуккхадараш довзийт кагирхошта», - дийцар «Сердало» газетага университетерча зарбан моттига болхлоша.
