ГӀалгӀайче дӀахьош я «Россе низ» яха Ӏан марафон
Республикан тайп-тайпарча юрташка дешархошта-студенташта юкъе, «Россе низ» яха Ӏан марафон я дӀахьош. АргӀанара яхьаш, къаьстта волейболах бола къовсам хилар Магас-Шахьара Пхьарчанаькъан Мухьмада цӀерагӀча стадиона тӀа, яхаш, дийцар «ЦаӀ йола Росси» яхача парте зарбан болх лелабечо.
Единороссаш, парте активисташ а хиларал совгӀа, студентий кхетаче вӀашагӀъелларашта юкъе дакъа лоацаш яр культуран, спорта, туризма Центр, ГӀалгӀай паччахьалкхен университет.
Шоашта волейболах ловза ховш хилар гойтар тайп-тайпарча мехкашкарча вай паччахьалкхен университете деша багӀача студенташа. Командаш вӀашагӀъехкаяр хӀара мехка бахархой цхьана хургболаш.
Яхь йистеяьнначул тӀехьагӀа котбаьннараш белгалбир. Хьалхара, кхоалагӀа моттигаш яьхар Инде мехкарча тоабаша «БАХУБАЛИ», «НАМАСТЕ». ШоллагӀа моттиг вай студентий «Лоаман аьрзи» яхача командага кхаьчар.
