ГӏалгӀай мехка тоалуш я юрташкара юкъара моттигаш
2024-ча шера боккха теркам тӀабахийтар ГӏалгӀайчен юртбоахама доазонаш дикка дегӀадоаладара йола программа кхоачашъеча, яхаш, дийцар ГӀалгӀайчен кулгалхочо Келаматанаькъан Махьмуд-Ӏаьлас.
ДӀадахача шера юрта бахача наьха вахара хьалаш тоадара хьахьожадаь дар 4,6 млн сом, цо таро елар шин дезала вахара хьалаш тоаде. Цул совгӀа, цу программа чуйоагӀаш кхоачашъяьй 11 проект,10,4 млн сом мах болаш.
Керттерча дехарех цаӀ хилар юртбоахама, фермерий предприятешта тӀабоагӀаш бола никъ тоабарца дувзаденнар, из бӀаьха бар 14,5 км. Цу наькъаша Ӏалашо ю къахьегама майдашта, доккхача наькъашта юкъера бувзам лелабе, цар шоай аргӀагӀа транспорта а наькъий а хьал тоаду.
Келаматанаькъан Махьмуд-Ӏаьлас белгалдир, юрташка ГӏалгӀайчен керттера таронаш хилар:
«Оаха аргӀ-аргӀагӀа инвестицеш юкъейоах юртара хьал дегӀадоаладара, керда балха моттигаш а, вахара хьалаш а хьакхолл, цунца цхьана балха моттигаш хургья, юрта бахача наьха вахара хьалаш тоадергда».
Южни дегӀайоалаяра чуйоагӀаш хьалъяьй 120 моттига лаьрхӀа берий беш, иштта 5 км совгӀа хий лоаттаду моттиг тоаяьй.
2025 шера Ӏаьдало лаьрхӀад, вахара хьалаш тоадара дукхагӀа теркам бе, цунна чудоагӀаш да доазонаш тоадар, балха моттигаш хьакхоллар. Галашка хьалъе йолаяьй 120 моттиг йола ишкол-интернат. Из гӀишло дӀалургья 2026 шерга кхоачаш.
Белгалдаккха деза, программа шахьарашта, юрташта юкъе нийслуш йола башхало дӀаяккхара тӀаеразаяь хилар.
«2031 шерга кхоачаш, оаха лаьрхӀад юрташка, шахьарашка доалахьарча боахамо луш бола пайда 99,09% кхачийта, хӀаьта тоадаьча вахара хьалий боарам 81%», - аьлар ГӏалгӀайчен Кулгалхочо. Цо иштта белгалдир; цхьана болх беш хиларо цу хьалашка кхача таро лургья, аьннна.
