Аки-Юрт тоаеш латт
07.11.2023 12:12
МагӀалбика кхален Аки-Юртара Шоссейни яха керттера лоархӀаш бола урам тоабир, дӀадахача аьхки. Из болх дӀахьош бар «Вахар, шахьара хьалаш» яхача проекта чубоагӀаш. Цига Ӏобиллар 750 м бӀаьха гӀашлой никъ, иштта цига нувхаш чукхувса зӀамига яьшкаш, наха салаӀа Ӏоховша гӀандаш оттадаьд.
«Балхаш дӀадоладаьдар карарча шера тушола бетта, йистедаьлар кӀимарса бетта. Уж балхаш деш я «Строй Альянс» гӀишлон компани. Аки-Юрта таханарча денна 1600 саг вах, цига да 217 цӀа. Дукха ха йоацаш, цу юртара хица дувзаденна хинна хаттараш кхоачашдир. ЛаьрххӀа «Вахар, шахьара хьалаш» яхача къаман проекта чудоагӀаш, хий лоаттаду ши моттиг кийчйир укхаза, хӀаране чу 100 куб хий чудодаш, иштта керда насоса станци хьалйир», - аьлар «Сердало» газетага ГӀалгӀайчен гӀишлошъяра министерстве.
