Гӏалгӏай мехка тоаеш латт хьунагӏа цӏи йоаеш йолча техникан парк
Гӏалгӏай Республикан ӏалама тароний, экологе Министерствос тоаеш латт хьунагӏа цӏи йоаяра лелаеш йолча техникан парк. Из болх дӏахьу , «Экологически таронаш» яхача къаман проекта чубоагӏаш.
Карарча шера ӏаьдало цӏи йоаеш йола шиъ, хьун боахама цаӏ техника эцаргья. Цул совгӏа, лаьрхӏад укх заман цӏи йоаеш дола кечалаш, эшаш бола гӏирс эца. Цо таро лургья хьунашка цӏи яьнна моттиг нийслойя из йоае. Из иштта дӏахо а накъаяргья хьун боахамашкара хьалаш довза, унзара хьал юстардоаккхаш, хьу меттаоттаеш, дегӏайоалаеш дола балхаш деча даькъ тӏа.
«Тахан республикан хьу цӏи яргйоацаш лораеш йоккха шиъ центр я. Керда техника дика накъаяргья цу балха даькъ тӏа», - аьлар боахаме.
Белгалду, 2019 шера, къаман проекта чудоагӏаш, укх заман хьун хьал довзара, хьунашкара цӏи йоаяра 100 техника, иштта лаьрххӏа дола гӏирсаш дера хьун боахаме. Цига эшаш йола макха боаккха, нух токхаду, кӏотаргаш теда, кхыдола технически гӏирсаш ийцар.
