Вай мехка дарбан баьцаш а баьцех даь чай а арахецаргда
ГӀалгӀайчен Ӏаьдало лаьрхӀад, российски х1ама дохкаш-эцаш йолча моттигашка эшаш а йолаш, мехка Ӏадаташ керда а доахаш йола проекташ вахара юкъейоалае. Цох дийцар «Сердало» газетага ГӀалгӀай Республикан Кулгалхочун зарбан болх лелабераша.
«Керттерча проектех цаӀ – дарбан баьцаш а иштта чаьна лаьрхӀа йола а баьцаш арахецаргйола предприяти хьалъяр.
Вай лаьтта дукха пайда луш йола баьцаш ягӀа, уж я Шолжа, ЖӀайрахьа дукъ тӀа. Цо таро лургья вай бахархошта; дарба дара а чаьна а лаьрхӀа йола баьцаш дӀачулуш; пайда бе.
Тхо хьожаш да, халкъа Ӏадаташ кердадоахаш, пайда луш дола балха хьал дӀадоладе, наха ахчанца новкъостал цох хилийта», - аьлар республикан кулгалхочо Келаматанаькъан Махьмуд-Ӏаьлас, ше цу дикача гӀулакхах дувцаш. Цо белагалдир, вай дӀабахача даьша деррига вахар хьаькъал долаш леладаь хилар, уж дика кхеташ хиннаб баьцех хьадоалаш долча дарбах, хӀара баьцовгӀа йовзаш хиннай царна. Таханарча заман чухь, цу тайпара дарба леладара йола говзал юха кердаяьккхача бакъахьа я, наьха могашал а меттаоттаргья.
ГӀалгӀай Республикан доазон тӀа дукха хьун комараш, сомаш багӀа; уж Ӏаьдала дӀачулуш, пайда эца йиш я.
Цу тайпара болх республике дӀаболабойя, керда балха моттигаш а хургья.
