ГӏалгӀайчен промышленни туризм дегӀайоалаергья
ГӏалгӀай мехка лаьрххӀа бола болх дӀахьоргба промышленни туризм дегӀайоалаеш, мехка кулгалхочо Келаматанаькъан Махьмуд-Ӏаьланна хетачох, цо дукха туристаш тӀахьехаргба. Республике хӀанз йолаш а я массехк йоккха предприяти, цар наьха безам тӀаоз.
Хьалхарча аргӀагӀа цу даькъе «РИАК» яха кӀалах гӀирсаш ду завод дӀайовзийтар хургда, из Къилбаседа Кавказе цу тайпара цаӀ мара яц.
«Со тешаш ва, туристашта дуккхадар дезалургда цу юкъера. Уж я заводаш, фабрикаш, бешамий боахамаш, ший тайпара йола продукци арахецаш йола зӀамига предприятеш», - аьлар Келаматанаькъан Махьмуд-Ӏаьлас.
Цул совгӀа, ГӏалгӀайчен Кулгалхочо белагалдир, шоай доалахьа гӀалгӀай Ӏадатех дола боахамаш, цӀен кхуврч лелабеш йолча фусамашка бахар а лоархӀаме да. Цо дикагӀа терко тӀаозаргья туристий, цул совгӀа, моттигерча бахархошта а цох пайда хургба.
