ГӏалгӀайчен цIерца къовсам лоаттабеча колледжа кулгалхочунна майдилг елар
Шолжа-Шахьарерча цӏерца къовсам лоаттабеча колледжа кулгалхочунна Мархенаькъан Мусайна «Россе ССУЗий директорий цхьанкхетара кулгалхо-хьехамча», оала майдилг елар, яхаш, дийцар «Сердало» газетага цигарча зарбан болх лелабераша.
«Россе юкъарча профессиональни дешара кулгалхой Союза 25 шу дузаш хиларца дувзаденна дар из. Мухарбика Мусас кулгал деш йолча юкъа, дешара боарам дикка лаькхбаьб цу колледже. Дукха къахьийгад цо кердадараш юкъедоаладеш, хьехархой говзал лакха хилийтара йола таронаш лохаш, цар професси лакхача борамга кхувлаш.
Студенташа каст-каста дакъа лоац халкъашта юкъерча яхьашка, кхетаченашка»,-аьлар тхоца къамаьл даьчо.
Цӏерца къовсам лоаттабара йолча колледжа хьехархоша даькъала вувц Мархенаькъан Муса, ший атта боацача балха тӀа цо кхы а лакхагӀа толамаш дахар ловш.
