Наьсарерча наькъашка ша ца бижийта гӏерташ, къахьегаш ба тахан
14.01.2026 09:07
Шахьарерча наькъашка ша бужаргбоацаш, даггара лоа дӏадоаккхаш, тӏатеӏӏа болх дӏахьош ба ЖКХ болхлой. Из хоам «Сердалога» бир мэре викалаша.
«Шахьара да волча Оздой Руслана тӏахьожам беш, дӏахьош ба из болх. Эггара хьалхарча оагӏонца ишкола, дарбанчешта, иштта кхыйолча лоархӏамеча моттигашта тӏадолха наькъаш да лайх цӏендеш латтараш», - йоах тхога кхаьчача хоамо.
Шахьара кулгалхоша машинашца леларашка, иштта гӏаш болхарашка дехар ду; боккъал лоралуш, фийла хила иштта хаоттам эттача хана, яхаш.
