Гӏалгӏайче кийчлуш ба «Аьрзи» яхача бӏуна бӏухошта новкъостал де
Республике «Аьрзи» яхача бӏуна мухь бахьийта кийчлуш ба, цу юкъе я гӏишлош ю хӏамаш, кхыдола гӏирсаш, яхаш, дийцар «Сердало» газетага ГӏР Кулгалхочун зарбан болх лелабераша.
Мехка кулгалхой хьежар денал долча бӏухошта эшаш мел дар цу юкъе хилийта, цар хӏара деннара вахар аттача даккхара, тӏема мугӏарашкара хьал тоадара.
«Белгалду, оаха сиха кхоачашду царна эшар. Дӏа мел дохьийта хӏама вай бӏухошта накъадаргдар да. Уж хьаллацар тха декхар да - вай юкъара бехктокхам ба, Гӏалгӏайчено из декхар кхоачашду»,- аьлар республикан кулгалхочо Келаматанаькъан Махьмуд-ӏаьлас.
Лаьрххӏа йола операци дӏайолаеннача хьалхарча деношка денз, Макшарипа Махьмуд-ӏаьла тӏахьожам лоаттабеш ва керттера декхар кхоачашдара- вай бӏухошта ший ханнахьа новкъостал лоаттадара.
Цу юкъе дакъа лоацаш я ӏаьдала моттигаш, доал деча даькъ тӏара викалаш, юкъарло, волонтёраш.
Цар шоай болх дика вӏашагӏбелла хиларах, СВО каст-каста гуманитарни новкъостал дохьийт вай мехкара.
