Гӏалгӏай мехка 2026-2027 шерашкарча Iан шелалга кийчлуш ба
Гӏалгӏайче дийцар 2026-2027 шерашка йӏовхал лоаттае еза ха тӏайоагӏаш хиларах. Цига къамаьл деш, республикан энергетика, ЖКХ министра декхараш кхоачашдеш волча Бӏарахой Муслима къамаьл дир цу дешах лаьца.
Цо яхачох, республике юкъара йӏовхал лоаттаеш ялх котельни я. Уж я пхе доал дара даькъ тӏа, цар Ӏалашду 54 вӏаштара даь цӏенош, 11 вахара хьашташ кхоачашду моттиг.
Ӏана заманга кийчо еш; котельнешка, нах бахача цӏеношка йӏовхал лоаттаяра хьал миштад хьажа веза, иштта хин турбай, газа, электричествон даькъ тӏара болх кийчо яь хилийта беза. Цул совгӏа, кийчъеш я наькъашка тувса тух доалла гIум, из Ӏан замах наькъаш дикача хьале хилийта эшаш я. Токаца Ӏалашо лоаттаераш а шоай балха кийчо еш ба, тока саьргаш долча даькъ тӏара гаьнаш дӏахедаю.
Из болх лаьрххӏача хана, ардара бетта 15-ча денга кхоачаш, хӏаьта доал дара даькъ тӏа – лайчилла 15-ча денга кхоачаш чакхбаккха беза. Цунца цхьана, ардара бетта 1-ча дийнахьа денз, Ростехтӏахьожам Ӏанга кийчо яьйий хьожаш я пхе доал дара даькъ тӏа.
