ГӀалгӀай мехка кийчо еш ба, Ид аль-Адха оалача цӀайга
02.06.2025 19:51
ГӀалгӀайче кийчо еш ба бусалба наьха керттерча Ид аль-Адха (ГӀурба) яхача цӀайга. Цунга кийчо яр кхоана денз дӀадоладу сагӀаш дарца, цига 4 эзар совгӀа устагӀа дӀабекъаргба таро йоацарашта.
СагӀийна луш дола жа ГӀалгӀайчен бахархошта денна Ӏергдац, цу юкъебоагӀаш ба Къилбаседа ХӀирийчен Пригородни кхале бахаш бола нах а. СагӀийна жа дала лаьрхӀад дукха дезал барашта, заӀапхошта, бошта, иштта лаьрххӀача операце доакъашхой дезалашта, шоай тӀема декхар кхоачашдеш бейнарий дезалашта.
«Из болх вӀашагӀбеллараша белгалду, болам дӀахьош хилара маӀан, гӀурба де таро йоацарашта новкъостал дар да», - аьлар республикан Ӏаьдала викалаша.
Дала аьттув боаккхалба вай дикача хӀаман тӀехьа. Амин!
