Гӏалгӏайчен ДПС инспектораша федеральни оагӏонца лохаш хинна машин хьакорайир
Гӏалгӏайчен Наьсарен кхале гӏолла йолча Россе ОМВД ОГИБДД новкъа ха деча болхлоша, «Суротӏе-Эккажкъонгий-Юрта яхача новкъа машинаш дукхагӏа лелача моттиге шоай балха даькъ тӏа болаш, массаза санна каьхаташка хьажа «Toyota Camry» яха автомобиль соцайир.
«Сердало» газетага Гӏалгӏайче гӏолла йолча МВД зарбан болх лелабераша ма аллара, машина каьхаташка хьежача, гучадаьлар ГИБДД хоамех базе из зулам дарах лохаш хилар. Из транспорт Краснодарски края Кубане гӏолла йолча Россе МВД ГУ Госавтоинспекце лохаш яр.
Полице болхлоша водитель машина тӏара ӏоваьккхар, иномарка хьаяьккхар, из дӏайигар лаьрххӏача машинаш лоаттаеча моттиге.
Карарча хана из гӏулакх тохкаш да, из хьаяьккха хиларах хоам баьб Краснодарски края ӏаьдалга, из лохаш хиннарашка. Машин ший даьга дӏакхоачийтаргья.
