Хьаухаш лаьтта газ эккхарах, цхьа саг лозавир
14.02.2024 01:26
АргӀанара газ ийккха моттиг нийсъелар, ГӀалгӀайчен нах бахача даькъ тӀа. Укх наькъа из нийсделар МагӀалбика кхален Долакоа. Цига лозавир цхьа саг.
«Саькура бетта 13-ча дийнахьа делкъа хана, ГӀалгӀайче гӀолла йолча Россе МЧС Керттерча урхаллене ха тӀа багӀарашка хоам бера, Долакоарча Энгиноева урамагӀа № 69 йолча цӀагӀа газ эккхарах цӀи яьннай,аьнна.
Цига дӀакхаьчача, гуш хилар, цӀен корий кизгаш дехадоацилга, тхов а хаьрцабоацилга. Газ эккхарах цхьа саг лозаваьв. Из МагӀалбика кхален керттерча дарбанче дӀавигав. Бераш лозадаьдац», - аьлар «Сердало» газетага мехка чоалханерча хьала боахаме.
