Наьсарерча гӀапа къайленаш тохкаргья вай мехка
21.03.2024 09:48
«Наьсарера гӀап» яха федеральни оагӀонга кхоачаш йола вай къаман культураца хоттам бола моттиг тохкаш хургба республике. Из хоам «Сердало» газетага бир мехка кабмино.
«Ши бӀаь шу хьалха хьалъяь из гӀап 150 гӀазкхечо, 200 топаш лелаеча сага лораеш хиннай. Буро тӀа бодаш болча, ТӀема-гуржий оалаш болча наькъа тӀахьожам лоаттабеш хиннаб уж», - йоах тхогарча хоамо.
Шин бӀаьшера латташ, дукха Ӏоткъам лайнаб цу моттиго. Хана йӀоахалца харца йолаенна, советски хана геттара телхар цун гӀулакх. «САФМАР», «Меттаоттадар» яха гӀо деш йола ганзаш я проекта керте эттараш. Белгалде деза, вай къаман культураца дувзаденнарашта тӀехьарча шерашка дикка тӀахьожам, терко лоаттаелга.
