Къаман вахаре тхьовра денз доккха дакъа дӀалаьца хьавоагӀаш волча цунна баркал ала баьхка хилар республикерча йоазонхой Союза хьалха латта Ноакастхой Хаваж, къаман байтанча йола Дидиганаькъан Раиса. Йоазонхой Союза моттигерча оагӀонгара грамота елар цар гӀалгӀай мотт, литература доаржадеш къахьегаш волча Сайт-Салама.

Белгалде деза, байтанча, прозаик, журналист, хьехархо вола из къаман эздий воӀ боккха болх лелабеш волга. Оаха даькъалавувц тхоай балхара новкъост иштта тӀехдика ший декхараш кхоачашдеш, лакха толамаш доахаш хьаварца! Дуккхача шерашка могаш, маьрша волаш, иразе, аьттув болаш, дог делаш вахалва из!