ДПС инспектор вийнав машинаца хьийдда воагӏачо
20.07.2026 15:18
Наькъашкара бокъонаш лораеш воацаш, хьийдда воагӏача зуламхочо полице болхлочунна машин тӏатехар.
«Кавказ» яхача наькъ тӏа «Волга-20» поста юхе, селхан сарахьа хиннад из доккха хатар. Цу моттиге ший декхараш кхоачашдеш лаьтта ДПС болхло вожавир «Грантаца» чӏоагӏа сиха воагӏаш хиннача 26 шу даьннача Наьсарерча вахархочо.
«Геттара чӏоагӏа лозаваь хинна полице болхло Шолжа-Шахьарерча дарбанчен реанимаце ӏочувигар, бакъда човнаш сов хала хиларах, кхы хьа ца кхеташ, дӏакхелхар из. Россе МВД «Шолже» яхача МО ӏочувигар зуламхо ший машинаца», - йоах тхога МВД бенача хоамо.
Цу сага гӏулакх тохкаш да ӏаьдал. РФ УК 3-ча даькъа 264 ст. бехктокхаме озаш зулам да цо даьр (наькъашкара бокъонаш ца лоархӏаш саг вер).
