Илдарха-ГӀалий тӀара дикагӀа бола дзюдоисташ яхье дакъа лоацаш хилар
07.06.2024 14:12
Йийллача шахьарерча яхье дакъа лоацаш хилар, Илдарха-ГӀалий тӀара дзюдоисташ. Яхь хетаяь яр ГӀалгӀай Республикан 32 шу дизара. Из хоам «Сердалога» бир шахьара администраце.
«Шахьарерча физкультурах, унахцӀенон хьал тоадарах йолча моттиге вӀашагӀкхийтар коталон лагӀа тӀа бовла ловраш. Илдарха-ГӀалий тӀарча спортах йолча ишколо дӀайихьар 10 майдилгах дошо 7 майдилг.
Къовсаме котбаьннараш бар Китенаькъан Дамир, Пхьилекъонгий Мухьмад, Сампенаькъан Сайфулла, Галай Рамзан, Боканаькъан Ӏаддал, Хьулахой Сайфулла, Китенаькъан Зураб», - йоах хоамо.
