Тушола бетта толашагӏа йола директора гӏонча Малсаганаькъан Макках хилар
Тушола беттара толашагӏа йола кулгалхочун гӏонча хилар Наьсарерча № 14 йолча ишкола хьехархочох Малсаганаькъан Макках. Из хоам «Сердалога» бир «Бералла наькъаш» яхача Ерригача Россе проекта зарбан болх лелабераша.
«Дӏабахача бетта дикка ший болх дӏахьош хилар ишкола кулгалхочун гӏонча. Тушола бетта № 14 йолча Наьсарерча ишколе Эрсий паччахьалкхен ашарий-драматически театра актрисас Къоастой Мадинас дакъа лоацаш бола гойтама болх дӏабихьар берашца, иштта полице болхлошцара «Классера сахьат» дӏахьош хилар.
Дешархоша геттара раьза болаш хьаллаьцар «Дега йӏовхал луча дешай книжка» яха Ерригача Россе болам. Малсаганаькъан Ибрахӏима Маккийна доккха баркал кхайкадеш каьхат делар лакхача боараме къахьегарах», - йоах тхога бенача хоамо.
«Аьттув болаш, беркате хилба хьехархочун никъ, хӏанз санна толамаш доахаш дӏаяха низ хилба цун!» - дийцар тхога.
