«Яхьашка дакъа лоаца хьехархой кӀира 18 сахьатал кӀезигагӀа болх беш, кхаь шерал кӀезигагӀа хьехархой наькъ тӀа болаш хила йиш яц. Хьехархочунца дагабаьле, оттаву из яхьашта юкъе.

Муниципальни яхьий ха я, укх бетта 20-ча денгара хьатӀабоагӀача бетта 14-ча денга кхаччалца; мехка яхь хьатӀабоагӀача бетта 25-ча денгара бӀаьстан тӀехьарча бетта 20-ча денга кхаччалца. ДӀаходар довза йиш я дешареи Ӏилмани гӀулакхех йолча министерствон сайта «Сведения» яхача оагӀон тӀара, «Банк документов», «Яхьаш» яхача доакъош тӀара», - йоах тхогарча хоамо.

Шоай балха тӀехьа лакхача боараме къахьегаш хьабоагӀача хьехархошта преми ялар тахан лоархӀамеча гӀулакхех да. Эггара дикагӀа бола хьехархой гучабоахаргба цу яхьаша. Яхьий керттера бахьан да, хьехархочун болх мел лоархӀаме ба, из мел эшаш професси я белгалдар.