Из а яхаяр цу даькъ тӀа Россе президент хоржаш кхадж тасса, цига цун къамаьл хилар ший юртхошца, хоржама комиссе доакъашхочунца, юрта администраце кулгалхо хиннача КӀуренаькъан Мухьмад-Башираца.

«Массабола нах дог гӀоздаьнна бар. Гуш дар, боккхача безамца уж кхадж тасса боагӀаш хилар. ХӀаравар сатувсаш вар вай мохк дикагӀа тоалургхиларга. Вай хоржаргволча президента шийна хьалхашка латта декхараш дика кхоачашдергхиларах тешар уж», - аьлар Гаьгенаькъан Фатимас. Тха балха новкъоста а ши воӀ ва, цо царех доаккхал а ду. Ше дезал дукха безаш йола нана хиларах тарра, цунна лов паргӀата, дегӀабоагӀаш болча, сийрда кхоане йолча мехка ший дезал бахаш хилар.

«Сона лов, Россе хьалха санна халкъа Ӏадаташ лорадеш хилар, къаман культуран мах лакха лоаттабеш, ерригача российски хӀарман Ӏадаташ лорадеш из хилар. Цудухьа вай мохк дегӀабоагӀаш хила беза, ший дӀаяхача заман дикадараш диц а ца деш», - аьлар тха болхлочо.