Газаца дувзаденна хатараш саготдайташ да
Укх тӏехьарча массехк шера, Гӏалгӏай Республикан доазон тӏа нийслуш я бахархой фусамашкара газ эккхаш йола моттиг. Эбарга-Юрта нах гулбеннача хана, Гӏалгӏай Республике гӏолла йолча Россе МЧСа Керттерча урхаллен кулгалхочун гӏончас Котанаькъан Ахьмада дийцар из.
Боахама викал дагадоаллаш ва из чоалхане хьал, хӏана аьлча 2025 шера денз 2026 шерга кхаччалца, газ эккхаш йола моттигаш дукхагӏа хулаш хьаенай, цу юкъе нах бовр а лакхденнад.
Котанаькъан Ахьмада яхачох, хатарий керттера бахьан да газацарча кхерамзлен техника нийса цалелаяр.
Къаьстта белгалде лов, газ чуюллача хана проект нийса цахилар бахьан долаш, тахан наха дукха зуламаш дувлаш хилар.
Бахархошта хьалхадоаккх газаца дувзаденна гӏирсаш каст-каста миштад хьожаш хилар. Зӏамига хинна а цу юкъе гӏалат хуле, цох доккха зулам доал.
