«Даьй ларах» яха проект кхоачашъе йолаяьй вайцига
14.10.2024 16:55
Кагирхой цхьанкхетарий цӀено, политикани туризмаи Министерствоца цхьана «Даьй ларах» яха проект дӀайолаяьй, республикан туризма крагӀдоалараш совдаха лаьрхӀа, яхаш, дийцар «Сердало» газетага цигарча болхлоша.
«Цу проекта чувоагӀаш волча мохк бовзитача Муцолганаькъан Ӏаддал-Малика болх бу Селий, Нохчий, Къарший-Черсий мехкашкарча туристашца, ГӀалгӀайчен лоаман даькъ тӀа уж гӀаш дӀакхувлаш. Кхаь дийнахьа экскурсе болхараш тайп-тайпарча гӀалашка гӀоргба»,-аьлар хоамо.
«Оаха лаьрхӀад кагирхошта вай мехка хозал гойтарал совгӀа, уж къаман истори, культура лархӀа Ӏомабе. ГӀаш еш йолча туризмо аьттув лу ноахал вӀашагӀтоха, вай Ӏадаташ дӀадовзийта», - аьлар Муцолганаькъан Ӏаддал-Малика.
