Долакоара, СоагӀапчара, Инаркъера, МагӀалбика шоллагӀча зӀамигача кхалера хин гӀулакх тоаде дезаш латта дикка ха я. 120 км кхоачаш йола турбаш даиман лелхаш я, 40 км турбаш хувца езача хьале эттай. Укх бетта 15-ча денгара 24-ча денга кхаччалца, 10 авари хиннай цу даькъ тӀа. 600 мм кхоача турбаш Ӏалашъеш ба карарча хана. Белгалде деза, вай мехкадас Келаматанаькъан Махьмуд-Ӏаьлас энергетиках йолча Министерствонна, «ЦаӀ вола оператор» яхача оагӀонна геттара халача хьале этта моттигаш тоаеш болх дӀахьо, аьнна, тӀадиллалга.

«Хицара кхоачамбоацараш юстардоахаш, бахархой хьал аттачахьа доаккхаш, болх дӀабахьа беза вай. Тахан вай кхетаду, из дикка къахьега дезаш гӀулакх долга. Бахархошта массахана боаггӀача боараме хий хьаахийта хьажа деза вай», - аьлар вай Мехкадас.