ГӀалгӀай Республикан Кулгалхочун Кубок къайсача, котбаьннараш белгалбаьлар
«Россе Низ» яхача марафона чуйоагӀаш, безам тӀабодаш йола яхьаш дӀайихьар вай мехка. ГӀалгӀай Республикан Кулгалхочун Кубок яккха дагахьа шоай лоӀамагӀа кӀалкхетаргах летар ондаргаш. Из яхь хетаяь яр СВО доакъашхошта, яхаш, дийцар «ЦаӀ йола Росси» яхача парте моттигерча даькъе.
«Россе Низ» яха Ерригроссийски спортивни марафон дӀахьош я, аьтинга бетта 1-ча дийнахьа денз маьцхали бетта 10-ча денга кхаччалца, из дагаехар я «ЦаӀ йолча Россе» оагӀув хьаллоацарий Совет.
Беза хьаьший хилар цу кхетаче СВО доакъашхо Дахкилганаькъан Закре, «ЦаӀ йолча Россе» моттигерча исполкома кулгалхо Кхоартой ИбрахӀим, Наьсарен кхален совета кулгалхо Эккажанаькъан Идрис, Наьсарен кхален администраце кулгалхочун гӀонча Исмейланаькъан Тимур, Долакха-Юртарча администраце кулгалхо Тимарзанаькъан Муса, моттигера нах.
Латархошта юкъера къоастабир пхе дозалах дикагӀа толамаш даьхараш», - аьлар хоамо.
Цу марафоне дукха кхетаченаш хилар цӀихезача спортсмений.
1100 совгӀа майда я проекта сайта тӀа. Вай республике 16 майда я.
Парте цӀерагӀа котбаьннарашта ГӀалгӀай Республикан Кулгалхочун Кубок елар, иштта хоза дипломаш, грамоташ, совгӀаташ.
ФЧ «Къонача спортсмений ди дика дӀадахар, дегагӀоз яхьаш, безаме хилар кхетаче. Цу тайпарча кхетаченаша вай кхувш йоагӀача тӀехьен вахарцара безам совбоаккх, кхетаме а безаме а хила Ӏомаю», - аьлар Кхоартой ИбрахӀима, цу яхьашта мах оттабеш.
