Гӏалгӏайче совгӏаташ делар боккхача наха
Гӏалгӏайче совгӏаташ делар Жӏайрахьа кхален, Наьсарн-Шахьара СФРа даькъа наьха гӏулакхашка хьожараша, дагабалара Центре дукхагӏа дакъа лоацаш хиннача боккхийча наха. Из хоам «Сердало» газетага бир из болх вӏашагӏбеллараша.
Гӏалгӏай Республике гӏолла йолча РФ пенсионни, вахар лорадара ганза даькъа кулгалхочо Йовлой Зубейра баркал оалаш, лерхӏама каьхаташ делар боккхагӏа болча наха, уж ба Лаьрххӏача тӏема операце бӏухой, цар дезалаш хьаллацара волонтёрий балха юкъе дукхагӏа дакъа лаьцараш. Совгӏаташца уж безбар дӏадихьар централизованни онлайн- кхетаченна чудоагӏаш, из хетадаь дар Даьхен бӏухой Денна.
Кхетачен доакъашхоша шоашта ховш дар дийцар Сийлахь-боккхача Даьймехка, Афганистана тӏема ветеранех, царна хьалхашка лаьттача декхарех. Цул совгӏа, гулбеннараша бӏухой хьаллоацаш дешаш аьлар. Доккхагӏча ноахалах, кагирхой граждански декхарах дувцаш, СФР болхлоша белгалдир, цар мах баь варгвоаца ӏадаташ лорадара доккха дакъа юкъедахьаш хилар.
