Наьк дарах йолча чемпионате котбаьнна ФСБ болхлой белгалбаьхар мехка
19.09.2025 09:33
ФСБ болхлошта юкъе дӏайихьача наьк дарах йолча яхьашка, котбаьннараш белгалбеш йола кхетаче дӏайихьар вай мехка. Цига дакъа лоацаш вар вай мехкада Келаматанаькъан Махьмуд-ӏаьла.
Укх бетта 16-ча денгара 18-ча денга кхаччалца хилар яхьаш, вай паччахьалкхен университета бассейне. Мехка къулбехьен оагӏонцарча 13 моттигера 26 тоаба яр дакъа лоацаш хиннараш.
Мехкадас ший къамаьла юкъе белгалдир, спорт республике йоаржаяр, цу оагӏонцара яхьаш дӏакхахьар лоархӏамеча гӏулакхех долга.
«Вай мехка духхьал укх шера дӏайихьар 90 яхь. Болхлой дог ураоттадеш, дегӏа, сина низ чӏоагӏбеш гӏулакх да из», - аьлар республикан кулгалхочо, спортаца массаза бувзам лоаттабара уж тӏахьехаш.
