«Фермера ишкол» яхача проекта доакъашхошта совгӀаташ делар
ГӀалгӀай паччахьалкхен университета Ӏилман библиотеке «Фермерий ишкол» яхача дешара проекта хьалхарча доакъашхошта совгӀаташ делар. Профессиональни кийчон каьхат хьаийцар 30 ГӀалгӀайчен вахархочо, яхаш, хоам бу «Сердало» газетага цу моттиге.
Цига, моаршал хоатташ, къамаьл деш хилар ГӀалгӀай Республикан Паччахьалкхен председатела хьалхара гӀонча Йовлой Мухьмад. Мехка кулгалхочун Келаматанаькъан Махьмуд-Ӏаьлий цӀерагӀа, цо беррига вай бахархой даькъалабийцар, вайцига юртбоахама даькъ тӀа цар шоаш Ӏомадаьр юкъедоаладар ловш.
«Ферма ишкол» яха проект вӀашагӀъеллар Россельхозбанк я, хӀаьта из декхар кхоачашдеш я юртбоахама министерство, ГӀалгӀа паччахьалкхен университет. Ишкол хиларах, 15 фермеро «Зоотехника» дешара курс йистеяьккхар, юхедиса дакъа - «Агрономи» яхача балха говзалах дийша да», - аьлар ИнгГУ экономикан факультета декана декхараш кхоачашдеш волча Мержой Мусас.
