Россе-гуржий кхетачен доакъашхой белгалбир вай мехка
РФ, Гуржий мехка юкъера бувзам, барт чӏоагӏбарах йолча кхетачен доакъашхой совгӏаташца белгалбеш хилар Паччахьалкхен кулгал деш вола Сластенин Владимир.
Из хоам «Сердалога» бир Кабмина зарбан болх лелабераша. «Мехкадаьгара грамоташ елар Налганаькъан Радмилайна (ТПП президент), ӏаьленаькъан ӏайнайна (паччахьалкхен филармоне кулгалхо), Налганаькъан Лемайна (филармоне болхло), иштта кхыбарашта а», - йоах тхога бенача хоамо.
Белгалде деза, иштта дӏакхухьача кхетаченаша къамашта юкъера барт чӏоагӏбелга, культураца дувзаденнараш доаржаделга. Мехкадаьгарча баркал кхайкадеча грамоташца белгалбир мехкарча ТПП доакъашхой; мехкадаь администраце, Паччахьалкхен болхлой; Археологически моттига къахьегмхой; «Мужече» яхача спорта кийчо еча моттига болхлой; кагирхой гӏулакхех йолча комитета викалаш; спортахи физически культурахи йолча министерстве къахьегараш; иштта культуран оагӏонцара хӏама доаржадарах йолча моттига доакъашхой.
Республикан премьер-министра доккха баркал аьлар массанена Россена, Гуржий мехка юкъера бувзам, барт чӏоагӏбеш йолча кхетаче дакъа лацарах.
